Monday, December 8, 2014

ငယ်ဘဝအကြောင်း သောင်းပြောင်းထွေလာ

ညနေ ညနေဆိုရင် လင်မယားနှစ်ယောက်သား ထမင်းစားသောက်ပြီးတဲ့အချိန် အညောင်းပြေအညာပြေ လမ်းလျှောက်ထွက်လေ့ရှိတယ်။ အဲ့လိုလမ်းလျှောက်ထွက်ရင်းနဲ့ တနေ့တာတွေ့ကြုံခဲ့ရတာတွေ အပြန်အလှန်ပြောကြတယ်။ တစ်ခါတလေကျတော့ လတ်တလော ဖြေရှင်းစရာတွေကို တိုင်ပင်ကြ၊ ရှေ့ဆက်ခရီးအတွက် လုပ်စရာတွေတိုင်ပင်ကြ၊ တစ်ခါတရံကျတော့ ရှေးဟောင်းနှောင်းဖြစ်တွေကို ပြောရင်းရယ်ကြရတယ်။

တစ်ညနေ ရုပ်ရှင်အကြောင်းပြောမိရင်း ငယ်ဘဝအကြောင်းပြန်ပြောင်း ပြောမိကြတယ်။ ငယ်ငယ်ကဆိုရင် အိမ်မှာတီဗီပဲရှိတယ်။ ဗီဒီယိုကြည့်ချင်ရင် စက်ငှားကြည့်ကြရတယ်။ အဲ့ဒါကလည်း အမြဲတမ်းငှားကြည့်ကြတာမဟုတ်ဘူးရယ်။ သီတင်းကျွတ်ကျောင်းပိတ်ရက်တို့၊ ဒီဇင်ဘာကျောင်း ၁၀ ရက်ပိတ်တာတို့ကျမှ အိမ်ကလူကြီးတွေက ဒီပိတ်ရက်တော့ ဗီဒီယိုပေးငှားမယ်ဆိုမှ ငှားကြည့်ကြရတာမျိုး။ ငှားခွင့်ရပြီဆိုရင် အငှားဆိုင်ကိုသွားပြီး ကြိုတင်ဘွတ်ကင်လုပ်ထားရသေးတယ်။ ဘယ်နေ့မှာတော့ဖြင့်ငှားပြီး ဘယ်နေ့ပြန်အပ်မယ်ဆိုတာမျိုးသွားပြောထားရသေးတယ်။ ဗွီဒီယိုဖွင့်တဲ့စက်ကို ဗွီဒီယို အခွေတွေပါ တွဲငှားတဲ့ဆိုင်တွေကနေငှားရတာပေါ့။ ရက်ကြာကြာ ငှားကြည့်ရတာမျိုးလည်းမဟုတ်ဘူး၊ အများဆုံးမှ နှစ်ညလောက်ငှားရတာ။ အဲ့ဒီတော့ စက်ကောင်းကောင်းလေးရဖို့ သေချာကြိုမှာထားရသေးသလို၊ ကိုယ်လိုချင်တဲ့ အခွေတွေရဖို့လည်း ဆိုင်ကို တဂျီဂျီပူဆာထားရသေးတယ်။ စက်ငှားခကတစ်ညဘယ်လောက်ဆိုပြီး ညကြေးနဲ့ပေးကြရပြီး အခွေငှားခက သပ်သပ်ပေးရတယ်။ ငှားထားတဲ့ည ဆိုင်ကလာပို့တာနဲ့ ညလုံးပေါက် ဗီဒီယိုကြည့်ကြတော့တာ။

အဲ့ဒီညဆို အိမ်မှာလူကိုစည်ကားလို့။ ကျောင်းပိတ်ထားတာမို့ အဖွားရဲ့ မြေးတွေဖြစ်တဲ့ ကိုယ်တို့ ဝမ်းကွဲမောင်နှမတွေအကုန်ရှိနေကြပြီး ကိုယ်ကြည့်ချင်တဲ့အခွေ အရင် ကြည့်ဖို့အရေး သောင်းကျန်းကြတာပေါ့။ အိမ်ရှေ့ခန်းတစ်ခုလုံးလည်း ရုပ်ရှင်ရုံကြီးလိုဖြစ်သွားရော။ စက်ရောက်လာပြီဆို ဒီတိုင်းကောက်ဖွင့်ကြည့်လို့ရတာ မဟုတ်သေးပြန်ဘူး။ တီဗီနဲ့ချိတ်တဲ့ကြိုးတွေသွယ်ရပြန်တယ်။ အဲ့ဒါကတော့ လူကြီးတွေလုပ်ကြတယ်။ ကြိုးသွယ်ပြီး အခွေထိုးဖွင့်လို့ရပြီဆိုတာနဲ့ အခွေတွေကို မှန်မမှန်၊ ကြည်မကြည် စမ်းကြည့်ရသေးတယ်။ အားလုံးပြီးပြီဆို ဗီဒီယိုကြည့်တဲ့ အလုပ်စကြပြီပေါ့။

ကြည့်တဲ့ဗီဒီယိုတွေကတော့ အစုံပါပဲ။ ဗမာကားဆို ဒရမ်မာ၊ ဟာသ၊ မကြည့်ရသေးတဲ့ ကားသစ်တွေ၊ အင်္ဂလိပ်ကားတွေ၊ ကာတွန်းကားတွေပေါ့။ ကလေးတွေရော လူကြီးတွေပါကြည့်ချင်တဲ့ ကားသစ်ဒရမ်မာလို ကားမျိုးက အမြဲတမ်းအရင်ဆုံးဖွင့်ဖြစ်တဲ့ကားပေါ့။ ရုပ်ရှင်ကြည့်ရင်း မုန့်စားတဲ့သူကစား၊ စကားများတဲ့သူကများနဲ့။ ရုပ်ရှင်ကြည့်ရင်း အိပ်ကြည့်ဖို့ ခေါင်းအုံးတွေ၊ စောင်တွေနဲ့ နေရာယူတဲ့သူကယူနဲ့။ အဖွားရဲ့အိမ်ဧည့်ခန်းကြီးကလည်း ကျယ်ပေလို့ပါပဲ။ အဲ့ဒီခေတ် ဗီဒီယိုဆိုတာတွေကလည်း အခုခေတ်ရုပ်ရှင်တွေလို အရမ်းကြီးကြည်လင်နေတာမျိုးမဟုတ်သေးဘူး။ တီဗွီလည်းကောင်း၊ တီဗွီအသံထွက်လည်းကောင်းမှ ကြည့်ရတာအဆင်ပြေတယ်။ ကောင်းခန်းရောက်လို့ မငြိမ်သေးတဲ့သူကို ... ရှူး... တိုးတိုး စကားမများနဲ့ဆို ဝိုင်းအော်ကြတာတွေ အခုပြန်ပြောမိတော့ ပျော်ဖို့သိပ်ကောင်းသလို လွမ်းဖို့လည်းကောင်းပါတယ်။

အဲ့ဒီ ဗီဒီယိုအခွေတွေကလည်း ကောင်းကောင်းရဖို့လိုသေးတယ်။ အခွေမကောင်းရင် အခွေတိတ်သားတွေမှာ မှိုတက်နေတတ်သေးတယ်။ အဲ့ဒါဆို အရုပ်မှာ အဆင်းကြောင်းတွေထင်လာပြီး ရုပ်ပျက်ဆင်းပျက်နဲ့ အသံတွေပါ ပေါက်ကရထွက်လာတတ်တာ။ ကြည့်နေရင်းနဲ့ ဇိမ်ပျက်တာပေါ့။ ကောင်းခန်းရောက်နေပြီဆို ပိုဆိုးသေး။ မှိုတက်တာ သိပ်မဆိုးသေးဘူးဆိုရင် အခွေကို အရှေ့ရစ်လိုက် အနောက်ရစ်လိုက်နဲ့လုပ်လိုက်ရင် ပြန်ကောင်းချင်ကောင်းသွားပြန်ရော။ အခွေဟောင်းတွေဆို မှိုသိပ်ဆိုးနေတော့ စက်ရဲ့ ဟတ် မှာပါ မှိုကပ်သွားရော။ အဲ့ဒါဆို မှိုဆေးတဲ့ဆေးရေဖြန်းရတယ်။ အဲ့ဒါမှ မရသေးရင် စက်အဖုံးကြီးဖြုတ် ဟတ် ရှိတဲ့နေရာအထိ လက်ထည့်ပြီး စက္ကူအဖြူသန့်သန့်နဲ့ ပွတ်ရတယ်။ ပြီးရင် အခွေပြန်ထိုးကြည့်လို့ အိုကေပြီဆိုမှ ဆက်ကြည့်ရတယ်။

ဗီဒီယို တိတ်ခွေတွေရဲ့ သဘောက ကြည့်ပြီးပြီဆို တိတ်ကုန်သွားပြီ။ အဲ့ဒီတော့ အစကနေကြည့်ဖို့ဆိုရင် တိတ်သားအစရောက်တဲ့အထိ ပြန်ရစ်မှ ဖွင့်လို့ရတာ။ တချို့အခွေတွေကို ဆိုင်က အဲ့လိုရစ်မပေးထားဘူးဆိုရင် ကိုယ့်ဘာသာရစ်ရတယ်။ လက်ရှိကြည့်နေတဲ့ကားပြီးရင် နောက်တစ်ကားကြည့်ဖို့ကို အဲ့လိုပြင်ဆင်ရသေးတာ။ နောက်တစ်ကားက မရစ်ထားဘူးဆို ရစ်ရသေးတယ်။ အဲ့လိုရစ်တာကို ဗီဒီယိုကြည့်တဲ့စက်နဲ့ပဲရစ်လို့ရသလို အခွေရစ်တဲ့စက်ဆိုတာလေး သပ်သပ်ရှိသေးတယ်။ အခွေရစ်စက်မပေါ်ခင်ကဆို လက်လှည့်ရစ်စက်နဲ့ ရစ်ရတယ်။ ကြည့်တဲ့စက်က အခုအခွေကြည့်နေတော့ တခြားအခွေရစ်ချင်ရင် အဲ့ဒီလက်လှည့်ရစ်စက်လေးနဲ့ ထိုင်ရစ်နေရသေးတယ်။

ဗီဒီယို တစ်ကားပြီးရင် ဘရိတ်တိုင်းလုပ်ပြီး ရှူးရှူးပေါက်တဲ့သူကပေါက်။ ညစာ ထမင်းစားချင်တဲ့သူလည်း အဲ့ဒီတော့မှထထည့်စား။ ညဘက် ဘုရားရှိခိုးနေကျဖြစ်တဲ့ ကြီးတော်ကြီးက ဘုရားခန်းဘက်ထွက်သွား ဘုရားရှိခိုး။ ကလေးတွေကလည်း နောက်တစ်ကားကို ငါ့အခွေအရင်ဖွင့်မယ်၊ သူ့အခွေနောက်မှဖွင့်နဲ့ စီနီယာလုကြတယ်။ အဖွားကတော့ ရုပ်ရှင်ကြိုက်သူမို့ စောပြီးဘုရားရှိခိုးထားမယ်ထင်တယ်။ တအိမ်လုံးက ရုပ်ရှင်ကြိုက်သူတွေဆိုတော့ အဲ့ဒီအချိန် ကလေးတွေလည်း တော်ရုံအဆူမခံရသလို ကလေးတွေကလည်း သူတို့လုပ်ချင်ရာလုပ်နေရတာမို့ လူကြီးစကားနားထောင်ကြတယ်။ ဗီဒီယိုကြည့်ရင်းစားဖို့ အာလူးကြော်တို့၊ ငါးမုန့်ကြော်တို့ စာကလေးခွေတို့လို သရေစာတွေဝယ်ထားတဲ့အပြင် တစ်ခါတလေကျ ထမင်းကြော်တို့ လက်ဖက်ထမင်းနယ်တို့ အဲ့လိုတွေလည်းလုပ်စားကြသေးတယ်။

ဒီလိုနဲ့ ဗီဒီယိုတစ်ကားပြီး တစ်ကားကြည့်ရင်း ညဥ့်နက်လာတော့ အိပ်ချင်သူတွေ အလျှို အလျှို ကိုယ့်အခန်းကိုယ်ဝင်အိပ်သွားကြပြီ။ ကလေးတွေကတော့ ဘယ်လောက်အိပ်ချင်ချင် မျက်လုံးဒေါက်ထောက်ပြီး အတင်းကြည့်တာပဲ။ အဲ့လိုနဲ့ တီဗီရှေ့မှာ အိပ်ပျော်တဲ့သူက အိပ်ပျော်သွားတယ်။ စောစောကတည်းက အိပ်ပျော်သွားတဲ့သူက တရေးပြန်နိုးတဲ့အခါ ဇွဲကောင်းပြီး မအိပ်သေးသူရှိရင် အတူတူဆက်ကြည့်နေကြပြန်ရော။ အဲ့လိုကို ဗီဒီယို ညလုံးပေါက်ကြည့်ကြတယ်။ တစ်ညဘယ်လောက်ဆိုပြီး ငှားခပေးထားရတာဆိုတော့ မကြည့်လိုက်ရင် မတန်ဘူးဖြစ်သွားမှာစိုးတာကိုး။ နောက်နေ့တော့ ဘယ်လိုနေကြတယ်မသိဘူး။ ကိုယ်တွေတော့ ကလေးလည်းကလေး၊ ကျောင်းပိတ်ရက်လည်း ကျောင်းပိတ်ရက်ဆိုတော့ အိပ်နေမှာ သေချာပါတယ်။

နောက်ပိုင်းတော့ အဲ့ဒီဗီဒီယိုစက်ကလေး အိမ်မှာရှိလာတယ်။ ညလုံးပေါက်လည်းကြည့်စရာမလိုတော့ဘူး။ ကိုယ်ကြိုက်တဲ့အခွေထွက်မှငှားကြည့်ရုံပဲ။ အခွေရစ်စက်နဲ့ဆိုတော့ လက်နဲ့လည်းလှည့်ရစ်စရာမလိုတော့ပါဘူး။ မှိုတက်တာအတွက် မှိုဆေးတဲ့အခွေ ဆိုတာမျိုးတွေပေါ်လာတော့ စက်အဖုံးကြီးလည်း ဖြုတ်လိုက်တပ်လိုက်လုပ်စရာမလိုတော့ဘူး။ အဲ့ဒီဗီဒီယိုကနေ နောက်တော့ ဗီစီဒီ၊ ဒီဗီဒီ၊ blu rayတွေကနေ အခုခေတ်နောက်ဆုံးပေါ်တွေအထိ အမျိုးမျိုးပြောင်းလဲသွားကြတယ်။ အသံအရည်အသွေး၊ ရုပ်ထွက်ကွာလတီကအစ တကယ့်ကိုကြည်လင်ပြတ်သားတဲ့ဟာတွေ ဖြစ်လာခဲ့ပြီး အရောင်စုံ၊ အသွေးစုံ အရုပ်တွေကို အပြင်လောကနဲ့မခြား ဖန်သားပြင်မှာကြည့်လို့ရလာပြီ။ အဆင်မြင့် ရုပ်သံလိုင်းဖမ်းစက်တွေနဲ့ဖတ်ပြီး ခလုတ်ကလေးနှိပ်ပြီးဖွင့်ရုံနဲ့ လိုင်းပေါင်းစုံကြည့်လို့ရတဲ့ စက်တွေလည်း ပေါ်လာကြပြီ။ ဒါပေမယ့် ငယ်ငယ်တုန်းကလို မောင်နှမတွေတိုးဝှေ့ လုယက်ကြည့်ရတဲ့ အရသာနဲ့တော့ မတူတာ အမှန်ပါပဲ။ မြစ်တစ်စင်းထဲမှာ နှစ်ခါရေချိုးလို့မှ မရနိုင်တာပဲလေ။

သဇင်
၈ ဒီဇင်ဘာ ၂၀၁၄

Wednesday, September 17, 2014

ကျွန်တော့မိန်းမကတော့ဗျာ

"ရှင်လက်အားရင် ပုစွန်ဟင်းလေးနွှေးပေး.. ဒီမှာ အရည်သောက်ကလေး ခပ်မြန်မြန် ချက်လိုက်ဦးမယ်"
"အေး ... အေး"
....
"အဲ ... ကျုပ်ပုစွန်ဟင်းက ဆီတွေများသွားတယ်တော့် .. ချက်တုန်းကတော့ မများဘူးထင်တာ"
"ဟဲဟဲ ... ဟင်းနွှေးတုန်းက ဆီနည်းမလားဆိုပြီး နည်းနည်းထပ်ထည့်လိုက်တာ"
"ရှင်ဟာလေ ... လုပ်ပြန်ပြီ၊ မပြောမဆိုနဲ့ ... ဒီမှာပုစွန်တွေက ဆီနစ်နေပြီ ... ရှင်နဲ့တော့ခက်တယ် တကယ်ပဲ။"
"အေးပါကွာ ... ဒယ်အိုးထဲမှာတော့ နည်းတယ်ထင်လို့ပါကွာ"
+++++

"ဟို အိမ်ရှေ့က အစ်ကိုကြီးရေ ... ခဏလောက် အနားလာပါဦး"
"ဒီမယ် အဝတ်လျော်မလို့ ... လျော်မယ့်တောင်းထဲမှာ ဘာမှမရှိပါလား၊ ဘယ်မလဲ ရှင့်အဝတ်တွေ၊ လျော်စရာမရှိဘူးလား"
"ဪ... ဒီမှာလေ ချိတ်ထားတယ်"
"ဝတ်ပြီးသားတွေ ပြန်ပြန်မဝတ်နဲ့နော် ... တစ်ခါပဲဝတ် ... ခဏခဏဝတ်ရင် ဂုတ်ပိုးမှာ ချေးတွေတက်ကုန်မယ်၊ လျော်တော့ တအားပွတ်ရရင် အင်္ကျီလည်းစုတ်မယ်၊ ကျုပ်လက်တွေလည်း ပွန်းပဲ့တယ်... ဒီမယ် အဝတ်ခြင်းထဲထည့်၊ မထည့်ထားရင် လျော်မပေးဘူးဒါပဲ"
"အေးပါကွာ ..."
+++++

"... ရှဲ ..."
"ဟဲ့ဟဲ့ ... ဟာ... အဲ့ဒါ ဝက်သားလုံးကြော်မလို့ ... တည်ထားတဲ့ဆီအိုး၊ ဘာလို့ အဲ့ဒီငရုတ်သီးထောင်းထားတာတွေ ထည့်လိုက်တာလဲ..."
"ကြက်သားဗူးသီးအတွက် ဆီသတ်ပေးမလို့လေ"
"လုပ်ပြန်ပြီ ... ကျုပ်ကိုမေးပါဦးလားအေ ... အဲ့ဒါ ဝက်သားလုံးကြော်မလို့ ဆီအိုးတည်ထားတာ၊ ဆီတွေလည်းကြည့်ဦး ... အဲ့လောက်ဆီနဲ့ ကြက်သားဗူးသီးချက်ရင် ဆီဘောလောကြီးဖြစ်နေတော့မှာပဲ... ဒီဘက်ကလေး ခဏလှည့်လိုက်တာ လုပ်ချလိုက်ပြန်ပြီ"
"အေးပါကွာ ... ခုတော့ ထည့်လိုက်ပြီးပြီ၊ ဘယ်လိုလုပ်မလဲ"
"ရတယ်ရတယ် ... ဆီတွေ စကာနဲ့စစ်လိုက်မယ်၊ နောက်ဆို မမေးမစမ်းဘဲ မလုပ်နဲ့ ... နော် ..."
+++++

"တော် ... လွတ်လွတ်လပ်လပ်နေပါလားအေ ... အနားမှာ ယောင်ပေပေနဲ့၊ ဒီမှာ မီးပူတိုက်နေလို့ ပူရအိုက်ရတဲ့ကြားထဲ၊  ရှင်အားနေရင် အိမ်ရှေ့မယ် ... ဖုန်လေးဘာလေးသုတ်၊ ကွန်ပျူတာစားပွဲမှာ ရှုပ်ရှုပ်ပွပွတွေ မမြင်ချင်ဘူးနော်"
"အေးပါကွာ ..."
+++++

"ရှင် ဘယ်ခုံမှာထိုင်မှာလဲ"
"ရတယ်လေ ... သဘောပဲ"
"မရပါဘူး... ကျုပ်မေးတာ ဘယ်ခုံမှာထိုင်မလဲသိချင်တာလေ၊ ရှင်က တစ်ခုခုပြန်ဖြေမှပေါ့"
"ဖြေတယ်လေ ... မင်း သဘောလို့"
"အဲ့ဒါသိချင်တာမဟုတ်ဘူးလေ... ဒီခုံလား ဟိုခုံလားပြောပေါ့၊ ဒါမှ ရှင်ထိုင်မယ့် နေရာမှာ ရှင့်ထမင်းပန်းကန်ချလို့ရမှာလေ၊ ရှင်သိဖို့က နေရာတကာ မင်းသဘော မင်းသဘောဆိုတိုင်း ကောင်းတာမဟုတ်ဘူး၊ တခါတလေကျ ကျုပ်က ဘာလုပ်လို့လုပ်ရမှန်းမသိတော့ဘူး။"
"အေးပါကွာ ... ကိုယ် ပြောတာက ဘယ်နေရာထိုင်ထိုင် အဆင်ပြေတယ်၊ မင်းသဘောပါလို့ ပြောတာပါကွာ"
"ဟွန့် .."
+++++

"... ..."
"ဟင် .. ဘာတုန်း ..."
"... ..."
"ဟင် ... နားမလည်ဘူး... .... တကတည်းတော်... ကိုယ့်မိန်းမကိုယ်စကားပြောတာ ပွင့်ပွင့်လင်းလင်းပြောစမ်းပါ၊ ပွစိပွစိပါးစပ်လှုပ်ပြောနေတာ ဘာတွေမှန်းကိုနားမလည်ဘူး။ ကျယ်ကျယ်မပြောရင် အနားလာပြော ... ကျုပ်က ဒီမှာ ကြော်လှော်နေတာနဲ့၊ ရှင့် သီချင်းသံတွေနဲ့ လုံးထွေးနေတော့ ဘာမှကွဲကွဲပြားပြားနားလည်တာမဟုတ်ဘူး"
"အေးပါကွာ..."
+++++

"ဒီမယ် ... ရှင် အဲ့ဒီကွန်ပျူတာကြီးရှေ့မှာပဲ ဘာတွေလုပ်နေတာလဲ၊ ရုံးမှာလည်း ကွန်ပျူတာ ... အိမ်မှာလည်းကွန်ပျူတာ... ရှင်မငြီးငွေ့ဘူးလား၊ ကွန်ပျူတာ မကြည့်ရင်တီဗွီကြည့်၊ တီဗွီမကြည့်ရင် ဖုန်းကြည့်နဲ့ ... ရှင့်မိန်းမ မျက်နှာလည်းကြည့်ပါဦး"
"ဟင် ... အေး ပါ ကွာ.."
+++++

"ထထ ... ရှင် အိပ်မနေနဲ့ ... ဒီမှာပြောစရာရှိလို့"
"ဟင် ... ဘာဖြစ်လို့လဲ .."
"အိပ်လို့မရဘူး..."
"အိပ်တော့လေ မနက် user site စောစောသွားရမှာဆို"
"ဟုတ်တယ် မနက်စောစောသွားရမှာ တွေးပြီး အိပ်မပျော်တော့ဘူး"
"ယမ်ယမ်ဘဲသားဆီချက်စားမလား ... ၁ထုပ်ကျန်သေးတယ်၊ သွားလုပ်ပေးမယ်"
"အင်း ကောင်းသားပဲ ... စားမယ်လေ၊ စားပြီးမှပဲ အိပ်မယ်"
+++++

--- ဈေးဝယ်စင်တာ တစ်ခုအရောက်တွင် ---

"လိုချင်တာရလား ... ဘာတွေ့ထားလဲ"
"စောစောက ဒီနားမှာ အတွဲတစ်တွဲတွေ့လိုက်တယ် သိလား..။ မိန်းမက ယောက်ျားကို ဆူနေတာများ ပွစိပွစိနဲ့"
"ဟုတ်လား ... အဲ့ဒီမိန်းမကလည်း ကိုယ့်ယောက်ျားကို ဘာလို့ဆူတာလဲ ... လူရှေ့သူရှေ့ကြီးမှာ...
ဒါနဲ့ .. ရှင် ... ဒီဟာယူမလို့လား ... အမလေး ... ဈေးကြီးလိုက်တာ .. ရှင် တော်တော် အကောင်းကြိုက်တယ်ဟုတ်လား"
"ဟဲဟဲ ... အဲ့ဒါကြောင့် မင်းကို ယူထားတာလေ"
"ဟွန့် ... မပြောချင်တော့ဘူး..."

+++++
၂၇ ဇွန် ၂၀၁၄ (သောကြာနေ့)

Wednesday, May 21, 2014

Bintan Trip - Day 3

ပြန်မယ့်နေ့မနက် အိပ်ရာကနိုးတော့ အပြင်မှာ မိုးတွေ အတော်လေးရွာနေတယ်။ မိုးအေးအေးနဲ့မို့ တော်တော်နဲ့ အိပ်ရာကမထဘဲ အေးဆေးနေလို့ကောင်းပါတယ်။ မနက်စာလည်း ဆင်းမစားချင်သေးတာနဲ့ အရင်နေ့တွေက Pasar Oleh Oleh ကဝယ်လာတဲ့ မုန့်တွေကို အခန်းထဲမှာရှိတဲ့ ကော်ဖီလေးဖျော်ပြီး ဝရံတာလေးမှာ ထိုင်ပြီး စားကြတယ်။ မိုးကလည်း ရွာနေဆဲပါပဲ။ မနက်တစ်ခေါက်ရေထဲဆင်းပြီးဆော့ဖို့ စဉ်းစားထားပေမယ့် မိုးရွာနေတာမို့ မဆင်းနိုင်တော့ဘူး။ ရေကူးကန်လည်းပိတ်ထားတယ်။ ရေမိုးချိုး ပစ္စည်းတချို့သိမ်းပြီးမှ မနက်စာဆင်းစားတယ်။အဲ့ဒီနေ့မနက်စာကတော့ ပထမနေ့လောက်မကောင်းပါဘူး။ နောက်ကျလို့လားမသိ … လူတွေကများပြီး ဝန်ထမ်းတွေလည်း အတော်ကြီး အလုပ်တွေရှုပ်နေကြတယ်။ ကိုယ်စားနိုင်တာလေးစားပြီးတော့ အခန်းထဲပဲ ပြန်နေလိုက်တယ်။ အခန်းထဲရောက်တော့လည်း ပျင်းနေကြတာမို့ မထူးဘူးကွာဆိုပြီး ပစ္စည်းတွေဆွဲပြီး check-out လုပ်လိုက်တော့တယ်။ Reception မှာ အထုတ်တွေထားခဲ့ပြီး ကမ်းခြေဘက်ဆင်းပြီးလမ်းလျှောက်ကြတယ်။ အဲ့ဒီအချိန်မှာ မိုးလည်း တိတ်သွားပါပြီ။
ကမ်းခြေဘက်မှာ ဓါတ်ပုံလေးဘာလေးရိုက်လိုက်၊ သောင်ပြင်တလျှောက်လမ်းလျှောက်လိုက်၊ ခုံလေးတွေမှာထိုင်လိုက်နဲ့ လုပ်နေတာ ခဏနေတော့ မိုးဖွဲဖွဲရွာလာတယ်။ ဟော်တယ်ဘက်ပြန်သွားပြီး ခဏထိုင်နေတုန်း ဖယ်ရီတာမီနယ် ဆီပို့မယ့်ကားရောက်လာပါတယ်။ အဲ့လိုနဲ့ Angsana ကိုနှုတ်ဆက်ခဲ့ပါတယ်။ ဖယ်ရီတာမီနယ်ရောက်တာနဲ့ immigration ဖြတ်ဖို့ လူတန်းရှည်ကြီးမှာ တန်းစီရတယ်။ အင်မီဂရေးရှင်းဖြတ်ပြီး ဖယ်ရီပေါ်မတက်ခင် ထိုင်စောင့်တဲ့နေရာရောက်တော့ လူတွေအရမ်းများနေပါတယ်။
အစားကောင်းကောင်းမစားထားတာကြောင့်ပဲလား၊ ရာသီဥတုကြောင့်ပဲလား မပြောတတ်ဘူး။ အပြန်ဖယ်ရီပေါ်မှာ လူကမူးအီအီကြီးဖြစ်လာတယ်။ နည်းနည်းငိုက်ပြီးလိုက်လာမှပဲ သက်သာသွားတော့တယ်။ စင်ကာပူဘက်ခြမ်းပြန်ရောက်တော့ အထုပ်ဆွဲပြီး immigration ဖြတ်၊ အပြင်ရောက်တော့ ခဏနားပြီး တက္ကစီငှားဖို့ကြည့်တော့ လူတန်းရှည်ကြီးဖြစ်နေတာနဲ့ မျက်နှာချင်းဆိုင်မှာရှိတဲ့ ဘက်စ်ကားဂိတ်ကနေပဲ ကားစီးဖို့ဆုံးဖြတ်လိုက်တယ်။ ဘက်စ်ကားစီးပြီး အနီးဆုံး mrt ရောက်တဲ့အခါမှ တက္ကစီပြန်ငှားစီးပြီး အိမ်ပြန်လာကြပါတယ်။
ဒီမှာပဲ Bintan ခရီးစဉ်လေး ရပ်နားလိုက်ပါဦးမယ်။ Bintan ခရီးအကြောင်းရေးနေရင်းနဲ့ ထပ်သွားဖြစ်တဲ့ ခရီးတစ်ခုအကြောင်းလည်း အချိန်ရရင်ရေးပါဦးမယ်။

Friday, April 11, 2014

Bintan Trip - Day 2

နောက်တနေ့ အိပ်ရာကနိုးတော့ အခန်းလိုက်ကာစကို ဖယ်လိုက်တာနဲ့ နေရောင်ခြည်တန်းကြီး ဖြာထွက်နေတာကို မြင်ရပါတယ်။ ညဘက်မှာ လသာတာမြင်ရပြီး မနက်နေထွက်လည်း မြင်ရတာမို့ အဲ့ဒီအခန်းလေးကို သဘောကျမိတာတော့ အမှန်ပဲ။
မနက်နေထွက်ချိန် လေသာဆောင်ကနေ မြင်ရတဲ့မြင်ကွင်းပါ
ကိုယ်လက်သန့်စင်ပြီးတော့ ဟော်တယ်က ကဖီးမှာ မနက်စာ ဆင်းစားကြတယ်။ ထုံးစံအတိုင်း မနက်စာဘူဖေးပေါ့။ ပုံမှန်ဟော်တယ်တွေမှာ မနက်စာ ကျွေးတဲ့အတိုင်းပါပဲ။ သစ်သီး၊ သစ်သီးဖျော်ရည်၊ ကော်ဖီ၊ လက်ဖက်ရည်၊ အနောက်တိုင်းအစားအစာ နဲ့ အင်ဒိုနီးယားအစားအစာ နည်းနည်းပါတယ်။ လတ်လတ်ဆတ်တ် ဖုတ်ထားတဲ့ ပေါင်မုန့်ကို ကိုယ့်ဘာသာကိုယ် စိတ်ကြိုက်လှီးပြီး မီးကင်စားရတာတော့ အတော်လေးကောင်းပါတယ်။ ပေါင်မုန့်က လတ်ဆတ်တော့ အနံ့တော်တော်လေးမွှေးပါတယ်။
မနက်စာ ဘူဖေးစားတဲ့ Lotus Cafe
မနက်စာစားပြီးတော့ ကမ်းခြေဘက်ကို လမ်းလျှောက်ထွက်ပြီး ဓါတ်ပုံတွေရိုက်တယ်။ ခဏနားပြီးတော့ ရေကူးကြတယ်။ ရေမကူးတတ်ပေမယ့် လှိုင်းစီးတာပေါ့လေ။ private beach ဖြစ်တာမို့ ကမ်းခြေတစ်လျောက် လူသိပ်မရှုပ်လှဘူး။ ရေဆော့နေတဲ့လူတွေကလည်း ကိုယ့်ဟော်တယ်ကပဲမို့ တခြားအပြင်လူမရှိပါဘူး။ အချင်းချင်းတွေ့ရင် ဟေး.. ဟိုင်းနဲ့ .. နှုတ်ဆက်ကြပါတယ်။ သဲသောင်ပြင်တစ်လျောက်မှာ ခင်းထားတဲ့ beach chair တွေတိုင်းမှာ မျက်နှာသုတ်ပုဝါအကြီး (beach towel) တွေ လိပ်ပြီးတင်ထားပေးပါတယ်။ ရေကူးပြီးပြန်တက်လာရင်သုံးဖို့ပဲဖြစ်ဖြစ်၊ beach chair မှာခင်းထိုင်ထိုင်၊ သဲပြင်ပေါ်မှာ ခင်းပြီး နေပူဆာလှုံရင်ပဲဖြစ်ဖြစ် အသုံးတည့်ပါတယ်။ သုံးပြီးသားတွေလည်း ဒီအတိုင်းထားခဲ့လို့ရပါတယ်။ ဟော်တယ်ဝန်ထမ်း တချို့ towel အဟောင်းသိမ်းပြီး အသစ်တွေပြန်တင်သွားပါတယ်။


မိုးရိပ်လေးညို့လာပြီး လေလည်းနည်းနည်းပြင်းလာတယ်။ လှိုင်းလုံးကြီးတွေ တဝုန်းဝုန်းနဲ့ နေလို့ကောင်းပေမယ့် မိုးရွာတော့မှာမို့ အခန်းပြန်ကြပါတယ်။ ရေဆော့ထားလို့ ဗိုက်လည်းဆာလာတယ်။ ရေမိုးချိုး၊ အဝတ်လဲပြီး နေ့လည်စာစားထွက်ကြပြန်တယ်။ ဟော်တယ်မှာရှိတဲ့ lotus café ကို သိပ်မကြိုက်တာမို့၊ Angsana နဲ့ကပ်ရက်မှာရှိတဲ့ Banyan Tree ဆီ ခြေဆန့်ကြပြန်တယ်။ Angsana နဲ့ Banyan Tree က ညီနောင်ဟော်တယ်တွေဆိုတော့ ဟိုဘက်နဲ့ဒီဘက် ကူးချည်သန်းချည်လုပ်လို့ရပါတယ်။ ရေကူးကန်က အစ အသုံးပြုလို့ရပါတယ်။
Banyan Tree မှာရှိတဲ့ Treetops က အင်ဒိုနီးရှားစာတွေ ရောင်းတာမို့ အဲ့ဒီမှာပဲစားဖို့ ဆုံးဖြတ်လိုက်တယ်။ Banyan Tree ရဲ့ lobby café လိုမျိုးမို့ သိပ်လည်းဈေးကြီးမယ် မထင်ဘူးလို့ ယူဆရတယ်ဆိုပြီးသွားကြတာ။ ကမ်းခြေမှာလမ်းလျှောက်တုန်းက Banyan Treeဘက်သွားတဲ့ လူသွားလမ်းလေးတွေ့ခဲ့တော့ အဲ့ဒီကပဲ လမ်းလျှောက်သွားကြတယ်။ ကမ်းခြေဘက်ကနေ အပေါ်ကိုတက်သွားတော့ Saffron ဆိုတဲ့ ယိုးဒယားစာရောင်းတဲ့ စားသောက်ဆိုင်ကိုတွေ့ပါတယ်။ အဲ့ဒီကနေ ဆက်သွားဖို့ ကားလမ်းလေးရှိပေမယ့် ဘယ်လိုဆက်သွားရမယ်မသိတော့ပါဘူး။ Banyan Tree ဝန်ထမ်းတစ်ဦးလာနှုတ်ဆက်တယ်(အဲ့ဒီကဟော်တယ် ဝန်ထမ်းတွေက ဘယ်နေရာမှာတွေ့တွေ့ နှုတ်ဆက်လေ့ရှိပါတယ်)။ Treetops ကိုသွားချင်လို့ပါပြောလိုက်တဲ့အခါ ခဏလေးစောင့်ပါ…ဆိုပြီး ပို့ပေးဖို့ စီစဉ်ပေးပါတယ်။ ဝန်ဆောင်ပေးမှုက မြန်ဆန်သလို လူကိုယ်တိုင်ကလည်း ဖော်ရွေကြပါတယ်။
သူဖုန်းဆက်ခေါ်လိုက်ပြီး မိနစ်ပိုင်းအတွင်းမှာပဲ buggy လေးတစ်စီးရောက်လာပြီး Treetops ကိုပို့ပေးတယ်။ ကိုယ်တွေဟာ VIP လိုပဲ ဆက်ဆံခံရတော့ နောက်ဆို ခရီးသွားရင် five-star-rated လောက်မှာပဲတည်းမယ်ဆိုပြီး ဖြစ်သွားသေးတယ်။ Treetops ရောက်တော့ ထင်ထားသလို ဟော်တယ်လော်ဘီက ဆိုင်လေးမဟုတ်ပါဘူး။ သီးသန့်စားသောက်ဆိုင်ပါ။ အဆင်အပြင်ကလည်း သားနားပြီး ဝန်ထမ်းတွေကလည်း အင်ဒိုနီးရှား ရိုးရာဝတ်စုံတွေ ဝတ်ထားပါတယ်။ တောင်ကုန်းထပ်မှာရှိပြီး ကမ်းခြေဘက်မျက်နှာမူထားတော့ တကယ့်ကိုသာသာယာယာပါပဲ။ နာမည်နဲ့လိုက်အောင်ပဲ ပတ်ပတ်လည် အပင်တွေရဲ့ ထိပ်ဖျားလောက်မှာရှိပါတယ်။ Treetops ရောက်တော့ မိုးအတော်လေးမှောင်လာပြီး မိုးပေါက်တွေလည်း ကျလာပြီ။ မျက်စိရှေ့က မြင်ကွင်းက အရမ်းလှနေပေမယ့် ထင်သလောက် ဓါတ်ပုံမရိုက်နိုင်ခဲ့ဘူး။
Treetops မှာ အင်ဒိုနီးရှား အစားအသောက်ပဲ ရွေးမှာလိုက်တယ်။ တစ်မျိုးစီ မမှာတတ်တာမို့ ၂ယောက်စာ set တစ်ခုကိုပဲ အမဲသားမထည့်ပါနဲ့ဆိုပြီးမှာလိုက်တယ်။ မိုးရွာနေတုန်းဆိုတော့ အပြင်ဘက်မှာစားလို့မရတော့ပဲ air-con ခန်းထဲမှာပဲ စားခွင့်ရခဲ့ပါတယ်။
Treetops @Banyan Tree





ဟင်းအမယ် အနေနဲ့ အသီးအရွက်စုံကြော်၊ King prawn ၊ ကြက်သားအုန်းနို့ချက်က ၂ပွဲ (အမဲသားပွဲမယူတော့ ကြက်သား၂ပွဲဖြစ်သွားတယ်) ပါတယ်။ ဟင်းရံ အနေနဲ့ မြေပဲနဲ့ငါးခြောက်ကြော်ထားတာလေးတွေရယ်၊ ဂေါ်ဖီနဲ့ဥနီကို သနပ်ပုံစံလုပ်ထားတာရယ်ကို ထမင်းဘေးမှာပုံထားပါတယ်။ အမြင်အားဖြင့် နည်းတယ်ထင်ရပေမယ့် တကယ်စားတဲ့အခါ ကြက်သားဟင်းတစ်ပွဲ ပိုနေပါတယ်။ အရသာကလည်း လေးလေးပင်ပင်နဲ့ ခပ်စပ်စပ်လေးမို့ မြန်မာပါးစပ်နဲ့ အံဝင်ကွင်ကျပဲ။
ပိုနေတဲ့ ကြက်သားဟင်းကို ညနေစာစားမယ်ဆိုပြီး အကြံနဲ့ ထုပ်ခိုင်းလိုက်တယ်။ ထမင်းဖြူ တပွဲပါ ထည့်ပေးပါလို့ မှာတော့ ..  ဘယ် Villa မှာတည်းပါသလဲ လာပို့ပေးပါမယ်တဲ့ (Banyan Tree က villa တွေချည်းထားတဲ့ resort ပါ) ။ တို့က Angsana ကပါ ဆိုတော့ အခန်းနံပါတ်ပဲပြောပါ လာပို့ပါမယ် လုပ်ပြန်ရော..။ ပိုနေတဲ့ ကြက်သားဟင်းလေး တပွဲနဲ့ ထမင်းဖြူကို ဟိုဘက်ဟော်တယ်ကနေ ဒီဘက်ဟော်တယ်လာပို့ရင် သူတို့လည်း အလုပ်ရှုပ်တယ်။ သူများလို meal တွေမှာစားတာမဟုတ်တော့ ကိုယ့်အတွက်လည်း မရှက်ဘူးဆိုရင်တောင် ရှိန်တိန်တိန် ဖြစ်စေမှာပဲ။ ရပါတယ် တို့ပဲ သယ်သွားပါမယ်.. ထုပ်သာပေးလိုက်ပါ ပြောရတယ်။ သူတို့က ထပ်ပြောပြန်တယ် ထမင်းဖြူက ဒီဆိုင်မှာထက် Angsana မှာ ဝယ်ရင် ပိုသက်သာပါတယ် အဲ့ဒီရောက်မှ နင်တို့လိုချင်တဲ့အချိန်မှာလိုက်ပါတဲ့။ ဒါနဲ့ပဲ ကြက်သားဗူးလေးနဲ့ပဲ ပြန်ရတာပေါ့။ Resort က ဆိုင်တွေမှာ စားတဲ့အခါ ဈေးနှုန်းက USD နဲ့ပဲတွက်ပါတယ်။ ငွေချေတဲ့အခါ visa/master နဲ့ပေးလို့ရသလို ဟော်တယ် bill မှာ ထည့်ပေါင်းခိုင်းလို့လည်းရပါတယ်။
ထမင်းလည်းစားပြီးရော ကိုရွှေမိုးက တိတ်သွားပြီး ကောင်းကင်ကြီး ပြန်ကြည်လာတယ်။ ဆိုင်ဝန်ထမ်းတွေက ပြန်တော့မလားဆိုတော့ … နေဦး.. တို့ လျောက်ကြည့်ဦးမယ်ဆိုပြီး ဟိုနားဒီနား လျောက်ကြည့်တယ်။ ပြန်မယ်ဆိုတော့မှ သူတို့ကိုပြောလိုက်ရုံပဲ။ ဖုန်းခေါ်လိုက်တာနဲ့ buggy လေးရောက်လာပြီး Angsana ဘက်ကိုလိုက်ပို့ပါတယ်။ ဟော်တယ်အရှေ့ပေါက်က မပြန်ချင်ဘဲ အလာတုန်းကအတိုင်း ကမ်းခြေဘက်က လျောက်ချင်တာမို့ Saffron နားပဲပို့ခိုင်းလိုက်တယ်။ အဲ့ဒီကနေအောက်ကို ဆက်ဆင်းသွားရင် ကမ်းခြေပြန်ရောက်မယ်လေ။ Saffron နားရောက်တော့ နေတောင်ပြန်ထွက်နေပါပြီ။ နေအတော်ပူပေမယ့် မိုးရွာထားတာမို့ ခပ်အေးအေးနဲ့ နေလို့ကောင်းတယ်။ ထမင်းစားပြီး နားချိန်မို့ထင်တယ်.. လူတွေလည်း အတော်လေးရှင်းလင်းနေတယ်။
Saffron ကနေဆင်းတဲ့လမ်းမှာ အဲ့လိုကျောက်တုံးတွေရှိတယ်

မိုးသားကင်းသွားတဲ့ ကောင်းကင်ကြောင့်... ပင်လယ်ကြီးက ပြာလို့လှလို့
နေပူပူထဲလမ်းလျှောက်ပြီး အခန်းဆီတဖြေးဖြေးပြန်ကြတယ်။ အခန်းပြန်ရောက်တော့ ဗိုက်လေးပြီး အိပ်သွားကြတာ ညနေစောင်းမှပဲ နိုးတော့တယ်။ အခန်းပြင်ဝရံတာမှာ ညနေစောင်း အေးအေးလူလူထိုင်ပြီး ကော်ဖီသောက်ရင်း ရေကူးကန်ဘက်လှမ်းမျှော်လိုက်၊ ကောင်းကင်ပြာကြီးကိုငေးလိုက်နဲ့ နေရတာသိပ်ကောင်းပါတယ်။
အခန်းအပြင်ဘက် လသာဆောင်လေး
ညနေဘက် ရေဆင်းဆော့တဲ့အခါကျတော့ ဓါတ်ပုံသိပ်မရိုက်ဖြစ်တော့ဘူး ရေထဲဆော့လိုက်၊ သဲထဲလူးလိုက်၊ သောင်ပြင်လျှောက်လိုက်နဲ့ စိတ်တိုင်းကျဆော့ပြီးမှ ခုံမှာထိုင်နားတယ်။ ပြီးတော့ ရေကူးကန်ထဲက jacuzzi မှာ ရေစိမ်တယ်။ ဆော့ရတာ မောလာတော့မှ အခန်းပြန် ပြီးနားတော့တယ်။ ညနေစာကိုတော့ မနက်က buffet စားတဲ့ Lotus café ကနေပဲ Nasi Goreng မှာစားတယ်။ အင်ဒိုစတိုင် ထမင်းကြော်ဆိုပါတော့။ အဲ့ဒီမှာလည်း beef satay ပါတာမို့ မထည့်ဖို့ပြောတော့ ကြက်ဆာတေးထည့်ပေးပါတယ်။ ထမင်းကြော်ကို တပွဲပဲမှာပြီး မနက်ကပိုလို့သယ်လာတဲ့ ကြက်သားဟင်းနဲ့စားဖို့ ထမင်းဖြူတစ်ပွဲမှာလိုက်တယ်။ room service အနေနဲ့ လာပို့တာမို့ အခန်းထဲမှာ အကျအနပြင်ဆင်ပေးပါတယ်။
Nasi Goreng

Nasi Goreng ပါပဲ ... အပေါ်ပုံဝါးသွားလို့ ဘေးတိုက်ပုံထပ်တင်တား)

room service အတွက် ထပ်ဖြည့်ပေးတဲ့ small treat

အတို့အမြုပ်

Lotus cafe ရဲ့ menu
ထမင်းစားပြီး ညပိုင်း ကမ်းခြေပြန်ဆင်းမလားတွေးပေမယ့်လည်း မဆင်းဖြစ်တော့ပါဘူး။ မနက်ဖြန် ပြန်ရတော့မယ်ဆိုတော့ လွမ်းသလိုလိုပါပဲ။ မပြန်ချင်သေးဘူးလေ။
အပြန်ရက် အကြောင်း ရေးပါဦးမယ်။

Thursday, April 3, 2014

Bintan Trip - Day 1 (Part Two)

Ferry terminal ကနေ resort ကိုရောက်ဖို့ ဆယ့်ငါးမိနစ်လောက်ပဲ ကားစီးရပါတယ်။ Resort ကိုဝင်တယ်ဆိုရင်ပဲ Welcome to Angsan ဆိုပြီး ဧည့်ကြိုတွေက တန်းစီနှုတ်ဆက်ပါတယ်။ ပြီးတော့ reception lounge မှာ နေရာချပေးပြီး အနားယူစေပါတယ်။ ဧည့်ကြို အမျိုးသမီးတစ်ယောက် အနားရောက်လာပြီး check-in နဲ့ပါတ်သတ်တာတွေကို ဆောင်ရွက်ပေးမှာဖြစ်တယ်ဆိုပြီးပြောလာပါတယ်။ booking confirmation ရယ်၊ ငွေချေထားတဲ့ visa ကဒ်ရယ် ပေးလိုက်ရုံတင် ကျန်တဲ့ကိစ္စအဝဝကို ထိုင်ရာကမထ စီစဉ်ပေးပါတယ်။ အပြန်အတွက် ferry boarding pass ကိုလည်း သူတို့ကထုတ်ပေးထားမှာ ဖြစ်တဲ့အတွက် အဆင်ပြေချောမွေ့လှပါတယ်။ Asia Travel ရဲ့ သေချာမှုကြောင့် ဖယ်ရီအတွက်ရော၊ resort အတွက်ပါ အခက်အခဲမရှိခဲ့သလို Angsana ရဲ့ ဝန်ဆောင်မှုဟာလည်း ကောင်းမွန်လှပါတယ်။
ချစ်စရာ welcome drink လေး
စောစောက အမျိုးသမီးပဲ အနားပြန်ရောက်လာပါတယ်။ အခန်းသော့နဲ့အတူ resort မြေပုံကိုပါယူလာပြီး ရှင်းပြပေးပါတယ်။ တစ်ဆက်တည်းမှာပဲ room check-in က ၃နာရီဖြစ်ပေမယ့် အခုအခန်းလွတ်နေသေးတာမို့ အခန်းထဲဝင်နားလို့ ရပြီဆိုတော့ ဝမ်းသာသွားပါတယ်။ အခန်းထဲသွားကြမယ်ဆိုတာနဲ့ luggage အထုပ်တွေကို အခန်းဆီသယ်သွားပေးပါတယ်။
အိပ်ခန်းလေးက သိပ်မကျယ်ပေမယ့် သိပ်လည်း မကျဉ်းပါဘူး။ လိမ္မော်ရောင်လေးတွေနဲ့ အလှဆင်ထားတာ ချစ်စရာတမျိုးကောင်းပါတယ်။ တစ်ယောက်အိပ်ကုတင်၂လုံးပါတဲ့ ရိုးရိုး superior room ပဲယူထားတာမို့ နှစ်ယောက်အိပ်ဖို့အစဉ်ပြေအောင် reservation လုပ်တုန်းက ပြောထားတာမို့ စီစဉ်ထားပေးပါတယ်။ အခန်းနဲ့တွဲရက် လသာဆောင်လေးကို ထွက်လိုက်တယ်ဆိုရင်ပဲ ရေကူးကန်ပြာပြာရယ်၊ ဟိုးခပ်လှမ်းလှမ်းက ပင်လယ်ပြာလဲ့လဲ့ရယ်ရယ်၊ စိမ်းစိုနေတဲ့ အပင်တွေကို မြင်နေရတော့ နေမွန်းလွဲချိန်ဆိုပေမယ့် အတော်လေး အေးအေးချမ်းချမ်း ရှိလှပါတယ်။

အခန်းထဲက အသုံးအဆောင်ပစ္စည်းတစ်ချို့ 
တည်းတဲ့အခန်းရဲ့ လသာဆောင်ကနေ လှမ်းမြင်ရတဲ့ မြင်ကွင်းလေး
အခန်းထဲမှာ ခဏနားပြီး နေ့လည်စာစားဖို့ စဉ်းစားကြရပါတော့တယ်။ Resort မှာတော့ lotus café ဆိုတာရှိပါတယ်။ ဒါပေမယ့် menu ကိုကြည့်တဲ့အခါ ဘိုစာလိုလို၊ အာရှစာလိုလိုနဲ့ ဘယ်ဟာကို ဘယ်လိုတွဲရမှန်းမသိတော့ပါဘူး။ ဒါနဲ့ပဲ blog တွေမှာဖတ်ဖူးတဲ့ ဘင်တန်ရဲ့တစ်ခုတည်းတော့ ဈေးတန်းလေးဖြစ်တဲ့ Parsar Oleh Oleh ကိုသွားဖို့ပဲ ဆုံးဖြတ်လိုက်ကြတယ်။ ထမင်းလည်းစား၊ shopping လည်းထွက်ပေါ့။ အဲ့ဒီကိုသွားရင် shuttle bus နဲ့သွားလို့ရနိုင်ပေမယ့် ကိုယ်သွားမယ့်အချိန်က ကြားချိန်ဖြစ်နေတာမို့ taxi နဲ့ပဲသွားရပါတယ်။ ဗိုက်ကလည်း ဆာနေပြီကိုး။ taxi ကားခ တစ်ကြောင်းစာကို S$15 ပေးရပါတယ်။ taxiဆိုပေမယ့် တကယ်တော့ resort က ကားနဲ့ ပိုက်ဆံယူပြီး ပို့ပေးတာပါ။ ဒါနဲ့ ဘင်တန်မှာ စင်ကာပူဒေါ်လာနဲ့ပဲ သုံးလို့ရပါတယ်။
Parsar Oleh Oleh ရောက်တော့ နေ့လည်နေက အတော်လေးပူနေပါပြီ။ ဆိုင်က သိပ်များများစားစား မရှိလှပါဘူး။ သတိထားမိသလောက် ဆိုင်တွေကတော့ ထမင်း၊ဟင်း ရောင်းတဲ့ စားသောက်ဆိုင်လေး နှစ်ဆိုင်၊ spa လေးငါး ခု၊ beach wear နဲ့ အမှတ်တယ ပစ္စည်းတွေရောင်းတဲ့ ဆိုင်လေး သုံးဆိုင်၊ Polo shirt တွေရောင်းတဲ့ factory outlet တစ်ဆိုင်ရယ်၊ မုန့်နဲ့ နေ့စဉ်သုံးပစ္စည်းလေးတွေရောင်းတဲ့ ဆိုင်လေး နှစ်ဆိုင်... ဒါပဲရှိပါတယ်။ နောက်ထပ် ဘာမှန်းမမှတ်မိတော့တဲ့ ဆိုင် နှစ်ဆိုင်သုံးဆိုင်ကျန်ပါသေးတယ်။ အဲ့လောက်ပါပဲ။
နေ့လည်စာကို Helo Helo ဆိုတဲ့ ဆိုင်လေးမှာစားတယ်။ ဈေးကြီးပြီ သိပ်မစွံပါဘူး။ ကြက်ကြော်၊ ကန်စွန်းရွက်ကြော်နဲ့ ထမင်းကြော် မှာစားခဲ့တယ်။ သိပ်စားမကောင်းပေမယ့် ဗိုက်အရမ်းဆာနေတော့ အကုန်စားနိုင်ခဲ့တယ်။ နေ့လည်စာ စားပြီးတော့ တဆိုင်ဝင် တဆိုင်ထွက် လျှောက်ကြည့်ကြတယ်။ စားပြီးတော့ shuttle bus နဲ့ပြန်ဖို့ ကားလက်မှတ်ဝယ်ရတယ်။ shuttle bus ဆို ကားခက အသွားအပြန်မှ တစ်ယောက် ၅ဒေါ်လာပါ။ shuttle bus ဆိုပေမယ့် အလာတုန်းက ငှားဆီးလာတဲ့ resort ကကားပါပဲ။ ကားမောင်းတဲ့လူအပြင် နောက်ထပ် ၅ယောက်စီးလို့ရတဲ့ van ကားလေးပါ။
Parsar Oleh Oleh မှာ နေ့လည်ပိုင်းရိုက်ခဲ့တဲ့ပုံလေးတွေ ဆက်ကြည့်ပါဦး။

Polo factory outlet
POO က ဈေးဆိုင်တန်းလေးတွေ
ချစ်စရာ souvenir လေးတွေ
ဟော်တယ်ပြန်ရောက်တော့ နေပူနေသေးတာမို့ ကမ်းခြေဘက်မသွားဘဲ အခန်းမှာပဲ ပြန်နားကြတယ်။ ဟော်တယ်ကစီစဉ်ထားတဲ့ activity တွေပဲဖြစ်ဖြစ်၊ တခြား tour တခုခုနဲ့ အနီးတဝိုက်ကိုပဲဖြစ်ဖြစ် သွားလည်လို့ရပါသေးတယ်။ ဒါပေမယ့် အပန်းဖြေခရီးသက်သက်ပဲ ဖြစ်ချင်တာမို့ ဘယ်မှမသွားဖြစ်ခဲ့ဘူး။ ညနေစောင်းတော့ ကမ်းခြေဘက် လမ်းလျှောက်ထွက်ပါတယ်။ အိပ်ခန်းအပြင်ဘက်က လသာဆောင်လေးကနေလှမ်းကြည့်လိုက်တယ် ဆိုရင်ပဲ ရေကူးကန်နဲ့ ကမ်းခြေဘက်မှာ လူသံဆူသံတွေ ကြားနေရပါပြီ။ ကဲ … ကမ်းခြေဘက် ဆင်းလျှောက်ရအောင်…။
ကမ်းခြေဘက်ဆင်းတဲ့လမ်းကနေ တည်းတဲ့အခန်းလေးကို ပြန်လှည့်ကြည့်
လမ်းကလေးအတိုင်းလျှောက်သွားရင် ရေကူးကန်ဆီ အရင်ရောက်မယ်
အဲ့လိုမျိုးလေး ကဗျာဆန်ဆန် ညစာစားချင်လည်း ရတယ်
လကလေးက ထိန်ထိန်သာနေပြီ

ကမ်းခြေမှာ စိတ်ကြိုက်ဆော့ပြီးတဲ့အခါကျတော့ ညနေစာစားဖို့ စဉ်းစားရပြန်တယ်။ Resort က ဆိုင်တွေကဈေးကြီးတာမို့ နေ့လည်ကသွားခဲ့တဲ့ Pasar Oleh Oleh မှာပဲသွားစားဖို့ စဉ်းစားမိကြပြန်တယ်။ ဒီတစ်ကြိမ်တော့ shuttle က ၁၅ မိနစ်လောက်ပဲ စောင့်ရမှာမို့ shuttle နဲ့ပဲသွားလိုက်တယ်။ ညစာကိုတော့ Bintan Indola ဆိုတဲ့ဆိုင်လေးမှာ စားတယ်။ ဆိုင်အပြင်မှာ ကင်နေတဲ့ စာတေးတွေရယ်၊ သူများတွေစားနေတဲ့ ဟင်းပွဲတွေရယ်ကနေ အနံ့တွေအလွန်ပဲမွှေးကြိုင်နေတယ်။ ဈေးနှုန်းတွေကတော့ တစ်ဆိုင်နဲ့တစ်ဆိုင် သိပ်မကွာပါဘူး။ ဒါပေမယ့် အခုဆိုင်က အရသာကတော့ အတော်လေးကောင်းတာတွေ့ရတယ်။ 
cereal prawn ရယ်၊ ဘေဘီကိုက်လံရယ်၊ ဆာတေးရယ်၊ အုန်းစိမ်းတစ်လုံးရယ်ပဲမှာ ဖြစ်တယ်။ ပန်းကန်အကြီးတွေနဲ့ထည့်ထားတော့ ဟင်းနေကနည်းနေသရောင်ပါပဲ။ တကယ်တမ်းစားတဲ့အခါကျတော့ မနည်းကုန်အောင် စားခဲ့ရတယ်။ အုန်းသီးလာချတုန်းကလည်း ဟာ... အုန်းစိမ်းကြီးက ကြီးလိုက်တာ နုပါ့မလားလို့ ပြောမိတယ်။ တကယ့်တကယ်ကျတော့ အုန်းရည်သောက်တဲ့ ပလတ်စတစ်ပိုက်နဲ့ခြစ်ရင်တောင် အုန်းသီးအသားကွာလောက်တဲ့အထိ နုပြီး အရည်တွေကလည်း များလွန်းလို့ နှစ်ယောက်သောက်တာတောင် မကုန်ခဲ့ဘူး။
baby kailan နုနုလေး
အုန်းစိမ်းနုထွားကြီးး)
ထမင်းဖြူပူပူနွေးကို ကြက်သွန်ကြော်လေးဖြူးထားတယ်
အရမ်းမွှေးတဲ့ ကြက်စာတေး
POO အဝင်ဝက ဆိုင်းဘုတ်လေး
POO မြေပုံ
ညစာစားပြီးတော့ shuttle နဲ့ပဲ ဟော်တယ်ပြန်လာကြတယ်။ shuttle ပေါ်မှာ ဟော်တယ်ကိုပြန်မယ့် တခြားလူမျိုး အဖွားကြီးနှစ်ယောက်လည်းပါလာတယ်။ ဟေး … ဟိုင်းနဲ့ နှုတ်ဆက်ကြတယ်။ လမ်းတစ်လျှောက် လမ်းမီးက မဆိုသလောက်လေးပဲရှိပါတယ်။ လရောင်လေးလင်းထိန်နေတာတောင် ကားထဲကနေ သတိထားမိတယ်။ ဟော်တယ်ပြန်ရောက်တော့ ကမ်းခြေဘက်ပြန်ဆင်းချင်ပေမယ့်လည်း နောက်ကျနေတာကတကြောင်း၊ သောကြာညမို့ BBQ party တွေရှိနေလို့ ညော်နံ့ နည်းနည်းရှိတာမို့ အခန်းထဲပဲ ပြန်နားကြပါတယ်။
Day 2 ဆက်ရေးပါဦးမယ်။